کمبل اور گرم چادریں واشنگ مشین میں کس طرح دھوئیں کہ وقت بھی بچے اور ڈرائی کلینر کے پیسے بھی؟
کمبل اور رضائی کو دھونا بھی لازمی ہے کہ کہیں کوئی گندگی یا کوئی ایسا چھوٹا موٹا کیڑا اس کے اندر تو نہیں۔ اگر آپ بھی اپنا کمبل دھونے کا سوچ رہے ہیں تو اب اس کو اپنی واشنگ مشین میں ڈال کر آرام سے دھو لیں۔ وہ وقت الگ تھا جب اس کو ہاتھوں سے دھوتے تھے نچوڑتے تھے۔ اب اتنا وقت ہے اور نہ اتنی طاقت۔ اس لئے جانیئے کمبل کو دھونے کا سب سے آسان طریقہ
ٹپس:
اگر آپ کے پاس ڈبل مشین ہے جس میں کپڑے دھلتے اور خشک ہوتے ہیں تو آپ کے لئے کوئی مسئلے کی بات نہیں ہے بس کمبل کو اس میں آدھا آدھا کرکے ڈالیئے اور آدھا دھلنے پر خشک حصے میں منتقل کردیں اور باقی دوبارہ دھو لیں۔ لیکن اگر آپ کے پاس ڈبل مشین کی سہولت نہیں ہے تو آپ اپنے کمبل کو واشنگ مشین میں کھول کر ڈالیں، پھر مشین چلائیں، پہلے 4 منٹ کے لئے چلائیں، پھر کچھ وقت بند کردیں،
یوں تھوڑی تھوڑی دیر کے لئے مشین چلائیں تاکہ نہ مشین پر زور پڑے اور نہ ہی آپ کو زیادہ محنت کرنی پڑے۔ اس طرح آپ کمبل کو مشین میں ہی دھو سکتی ہیں۔ بہتر یہ ہوگا کہ آپ پہلے مشین میں پانی اور سرف ڈال کر چلالیں تاکہ جھاگ بن جائیں اور پھر بآسانی آپ کا کمبل دھل جائے۔
