بچے کی پسلیاں چلتی ہیں اور ناک بہتی ہے۔۔ اگر آپ کا بچہ بھی سردی میں بیمار رہتا ہے تو ایک بار لہسن کی یہ ٹرک آزما کر بھی دیکھیں
سردیوں میں نومولود اور چھوٹے بچوں کی مائیں بہت زیادہ پریشان رہتی ہیں اس کی وجہ یہ ہوتی ہے کہ قوت مدافعت کمزور ہونے کی وجہ سے بچے موسم کا اثر جلدی قبول کرتے ہیں اور انھیں زیادہ دوائیں بھی نہیں دی جاسکتیں۔ اس مسئلے کے حل کے لئے ڈاکٹر بلقیس کے بتائے یہ طریقے استعمال کریں اور پوری سردی کے لئے بے فکر ہوجائیں۔
لہسن کو ڈوری میں پرو کر بچے کو پہنا دیں
ڈاکٹر بلقیس نے بتایا کہ3 دیسی لہسن کو چھیل کر کسی نرم ڈوری میں پرو لیں اور بچے کو گلے میں ہار کی طرح پہنا دیں۔ لہسن کے اینٹی بیکٹیریل اور اینٹی وائرل خواص بچوں کو وائرل سے محفوظ رکھیں گے۔
لہسن کو پاؤں پر ملنا
دوسرا طریقہ یہ بتایا کہ دیسی لہسن کو چاقو سے اچھی طرح گود لیں اور زیتون کے تیل میں ڈبو کر بچے کے پاؤں پر ملیں۔ اس سے بھی سردی کا اثر زائل ہوجائے گا۔
ہینگ اور سرسوں کا تیل
ہینگ کو پانی میں بھگو لیں اور اس ہینگ کے پانی کو سرسوں کے تیل میں ملا کر بچے کے جسم پر مالش کریں۔ یہ عمل کرنے بچے کو ناک بہنے، کھانسی اور وقت بے وقت بخار آنے سے بچایا جاسکتا ہے۔
