سرد موسم میں پھٹی ایڑیوں سے ہر بندہ پریشان ہے۔۔۔اب جانیں موم بتی سے پھٹی ایڑھیوں کو نرم ملائم بنانے کا آسان طریقہ
موسم سرما میں جب سرد اور خشک ہوائیں چلتی ہیں تو سب سے پہلے اکثر لوگوں کی ایڑیاں پھٹتی ہیں اور کچھ کے لیے تو اتنی تکلیف دہ ہوجاتی ہیں کہ ان کا چلنا پھرنا محال ہو جاتا ہے۔ایسے میں کچھ آسان ٹپس ہیں جن کو اپنا کر آ پ اس تکلیف سے نجات پا سکتے ہیں۔
پہلا طریقہ
1۔ڈبل بوائلر میں ایک موم بتی کدو کش کر کے ڈالیں جب موم پگھل جائے تو اس کو چولہے سے اتار لیں۔اب اس میں زرا سا سرسوں کا تیل،زرا سی ہلدی،اور دو سے تین وٹامن ای کے کیپسول پنکچر کر کے ڈال دیں اور اچھی طرح مکس کر لیں اب اس کو رات کو پیروں کی ایڑیوں پر لگائیں۔تین دن میں ہی آ پ کی ایڑیاں بہتر ہوجائیں گی۔
دوسرا طریقہ
2۔کچھ لوگ گھر میں ہاتھ دھونے کے لئے ریڈ سوپ استعمال کرتے ہیں۔آپ ریڈ سوپ کی آدھی ٹکیا کرش کریں پھر اس میں 25 ملی لیٹر گلیسرین ملا کر ہاتھوں سے گوندھ کر پیسٹ بنا لیں اور روزانہ رات کو سونے سے پہلے یہ پیسٹ پھٹی ہوئی ایڑیوں پر لگائیں۔اس پیسٹ کے روزانہ استعمال سے ایڑیاں نہ صرف نرم ہونگی بلکہ ان کی رنگت بھی گلابی ہو جائے گی۔
